سابق بھارتی اوپنر نوجوت سنگھ سدھو نے قومی کپتان کی غلطی کی نشاندہی کرتے ہوئے کہا ہے کہ ٹک ٹک بیٹر بابر اعظم پاکستان کے لیے اوپننگ کر رہے ہیں۔
موجودہ بھارتی سیاستدان نوجوت سنگھ سدھو اپنے دل کی بات زبان پر لانے کے لیے جانے جاتے ہیں، انھوں نے پاک بھارت میچ سے قبل قومی کپتان کو سست بیٹر قرار دیتے ہوئے کہا ہے کہ ٹک ٹک بیٹر بابر اعظم پاکستان کے لیے اوپننگ کر رہے ہیں اور ٹیم کا کمبینشین بھی ٹیک نہیں ہے۔
سدھو کا بھارتی اسپورٹس چینل سے گفتگو کرتے ہوئے کہنا تھا کہ اوپننگ کے لیے بہترین آپشن فخر زمان مڈل آرڈر میں بیٹنگ کر رہے ہیں، بابر پاکستان کے کپتان ہیں اور انھیں بہتر فیصلہ کرتے ہوئے فرنٹ سے قیادت کرنی چاہیے۔
سابق بھارتی کرکٹر نے کہا کہ پاکستان کو اوپننگ جوڑی کو تبدیل کرنے کی ضرورت ہے جبکہ ٹیم میں کوئی مناسب آل راؤنڈر ہے ہی نہیں۔ اس سے قبل پاکستان کے پاس شاہد آفریدی اور عبدالرزاق جیسے آل راؤنڈر موجود تھے۔
انھوں نے کہا کہ پاکستان کو صرف اپنے تیز رفتار بولرز پر بھروسہ نہیں کرنا چاہیے۔ پاکستان ایک میچ ہار چکا ہے۔
نوجود سنگھ سدھو کا کہنا تھا کہ اگر گرین شرٹس کو بھارت کے خلاف اچھا کھیلنا ہے تو پھر انھیں صحیح کھلاڑیوں کو صحیح جگہ پر کھلانا ہوگا۔
