ڈیرہ بگٹی: بلوچستان کی تحصیل سوئی میں دیہاتیوں نے نایاب نسل کے ایک تیندوے کو مار ڈالا۔
تفصیلات کے مطابق ضلع ڈیرہ بگٹی کی تحصیل سوئی کے ایک نواحی علاقے میں دیہاتیوں نے ایک تیندوے کو دیکھنے کے بعد گھیر لیا، دیہاتیوں نے تیندوے کا اس کے غار تک پیچھا کیا اور آخرکار اسے ہلاک کر دیا۔
مسلح افراد نے غار میں جانے والے تیندوے کو گولیاں مار کر ہلاک کر دیا اور اس کے بعد ویڈیو بھی بنائی۔ ان کا کہنا تھا کہ یہ تیندوا ان کی بکریوں پر حملے کر رہا تھا۔
- Advertisement -
ابتدائی طور پر ضلعی انتظامیہ کی جانب سے نایاب جانور کے مارے جانے پر کوئی ایکشن لینے کی خبر سامنے نہیں آئی، تاہم مقامی لوگ سوشل میڈیا پر دیہاتیوں کی جانب سے نایاب جانور کو ہلاک کیے جانے کے واقعے پر افسوس کا اظہار کر رہے ہیں۔
