برسلز: اسرائیل کے خلاف بین الاقوامی عدالت انصاف کے فیصلے پر یورپی یونین کا رد عمل سامنے آ گیا ہے۔
تفصیلات کے مطابق یورپی یونین کی خارجہ پالیسی کے سربراہ جوزپ بوریل نے آئی سی جے کے فیصلے کو یورپی یونین کے مؤقف سے ہم آہنگ قرار دے دیا۔
انھوں نے X پر کہا کہ بین الاقوامی عدالت انصاف کا فیصلہ کہ مقبوضہ فلسطینی سرزمین میں اسرائیل کی موجودگی غیر قانونی ہے اور اسے ختم کرنے کی ضرورت ہے، یہ بڑی حد تک یورپی یونین کے مؤقف کے مطابق ہے۔
The @CIJ_ICJ Advisory Opinion on the Occupied Palestinian Territory is largely consistent with EU positions.
In a world of increasing violations of international law, it is our moral duty to reaffirm our unwavering commitment to all ICJ decisions.
— Josep Borrell Fontelles (@JosepBorrellF) July 20, 2024
جوزف بوریل نے لکھا کہ دنیا میں بین الاقوامی قوانین کی خلاف ورزیاں بڑھتی ہی جا رہی ہیں، ایسے میں یہ ہمارا اخلاقی فرض ہے کہ ہم ICJ کے تمام فیصلوں پر سر تسلیم خم کریں۔
عالمی عدالت کا اسرائیل کو فلسطینی علاقوں سے اپنا قبضہ ختم کرنے کا حکم
خیال رہے کہ جمعہ کو بین الاقوامی عدالت انصاف (آئی سی جے) نے اسرائیل کو عالمی قوانین کی خلاف ورزی کا مرتکب قرار دیتے ہوئے اسے فلسطینی علاقوں سے اپنے قبضے ختم کرنے کا حکم دے دیا ہے۔
آئی سی جے نے مشاورتی اجلاس میں کہا کہ اسرائیل کی غیر قانونی آباد کاری عالمی قوانین کی خلاف ورزی ہے، یہودی بستیاں قائم کرنے کا مقصد مقبوضہ مغربی کنارے پر اسرائیلی تسلط کو فروغ دینا ہے، فلسطینیوں کے خلاف اسرائیل کی کارروائیاں انسداد نسل پرستی معاہدے کی خلاف ورزی ہے۔