پیرمحل : شوہر سے جھگڑے کے بعد خاتون نے 2 بیٹیوں کو زہر دے کر مار ڈالا ، مرنے والی بچیوں میں تیرہ سال کی انعم عمراورآٹھ سال کی مصباح عمرشامل ہیں۔
تفصیلات کے مطابق پیرمحل میں گھریلو جھگڑے نے دو بچیوں کی جان لے لی، واقعہ تھانہ اروتی کے گاؤں میں پیش آیا۔
شوہرسے جھگڑے کےبعد خاتون نے دو بیٹیوں کوزہر دے کرموت کی نیند سلادیا، مرنے والی بچیوں میں تیرہ سال کی انعم عمراورآٹھ سال کی مصباح عمرشامل ہیں۔۔
پولیس اطلاع ملنے پرجائے وقوع پہنچ گئی ہے اور تفتیش کی جاری ہے۔
یاد رہے گذشتہ ہفتے گجرات میں شوہر سے معمولی جھگڑے پر خاتون نے دو بچوں کی جان لے لی تھی، جاں بحق بچوں میں 6 سال کا آہل اور7 سال کا ساحل شامل تھے جبکہ ملزمہ کا شوہر بیرون ملک مقیم ہے۔
پولیس نے دہرے قتل کا مقدمہ درج کرکے خاتون کو کو حراست میں لے لیا تھا ، ملزمہ سدرہ نے بتایا تھا کہ خاوندمشاہد سےفون پرجھگڑاہوا تھا۔ اس نے طلاق کی دھمکی دی تھی، جس پروہ غصے میں آگئی ، جس کے بعد اس نے یہ قدم اٹھایا۔
پولیس کا کہنا تھا کہ خاتون نے بچوں کو تیزاب پلایا پھر گلا دبا کرقتل کیا اور خود بھی تیزاب پی کر ڈوپٹے سے لٹک کرخودکشی کی کوشش کی تاہم اس کو تشویش ناک حالت میں اسپتال منتقل کر دیا گیا۔
