نوکری سے نکالے جانے پر اردن میں شہری نے سخت غصے میں آگیا، اسی فیکٹری میں کام کرنے والے دو افراد کو گولی ماردی۔
جنوبی اُردن میں عقبہ گورنری میں مذکورہ افسوسناک واقعہ اتوار کو پیش آیا، عقبہ گورنری میں ایک فیکٹری سے نکالےجانے والے ملازم کی فائرنگ کے نتیجے میں دو افراد زخمی ہوئے جبکہ ایک شخص گرنے سے زخمی ہوا۔
ترجمان پبلک سیکیورٹی ڈائریکٹوریٹ کرنل عامر السرطاوی نے العربیہ ڈاٹ نیٹ کو بتایا کہ عقبہ گورنری پولیس ڈائریکٹوریٹ کو اطلاع ملی ہے کہ ایک شخص نے فیکٹری کے اندر اندھا دھند فائرنگ کی۔
مذکورہ شخص کو کچھ دیر پہلے ہی ملازمت سے فارغ کیا گیا تھا، ملزم فائرنگ کرنے کے بعد فرار ہوگیا ہے جس کی تلاش جاری ہے۔
کرنل عامر السرطاوی نے مزید بتایا کہ گولی لگنے سے دو غیر ملکی شہری زخمی ہوئے جنھیں اسپتال منتقل کیا گیا جہاں انھیں طبی امداد دی جارہی ہے، ایک اردنی ملازم اس واقعے کے دوران گرنے سے زخمی ہوا جسے بعدازاں اسپتال لے جایا گیا۔
پولیس نے بتایا کہ واقعہ کیوں پیش آیا اس کی تحقیقات ابھی جاری ہیں، اس سال کی کے دوران اردنی وزارت محنت میں رجسٹرڈ مزدوری کے کیسز کی تعداد 173 تک پہنچ گئی ہے۔
