ملتان : پی آئی اے کا ایک اور طیارہ بڑے حادثے سے بال بال بچ گیا، دبئی سے اڑان بھرنے کے دوران رن وے پر انجن میں خرابی کی وارننگ ملی اور طیارے کے ٹائرپھٹ گئے۔
تفصیلات کے مطابق قومی ایئرلائن کے طیاروں میں روزانہ کی بنیادوں پر خرابی آنے کے واقعات معمول بن گئے، جس سے مسافروں کو کرنا پڑا اذیت کا سامنا ہے
قومی ایئرلائن ( پی آئی اے ) کی دبئی سے ملتان آنے والی پرواز کے طیارے کے ٹائرپھٹ گئے ، طیارے کے ٹائر پھٹنےکے باعث پرواز کے 172 مسافروں کو لاؤنج منتقل کردیا گیا۔
قومی ایئرلائن ترجمان نے بتایا کہ دبئی سے اڑان بھرنے کے دوران رن وے پر انجن میں خرابی کی وارننگ ملی، کیپٹن نے ایمرجنسی بریک سسٹم استعمال کرکے طیارے کو بحفاظت روکا۔
ترجمان کا کہنا تھا کہ طیارے کی خرابی ٹھیک کرنے کیلئے عملہ آج رات کراچی سے دبئی روانہ ہوگا۔
ایئرلائن ترجمان نے مزید بتایا کہ کچھ مسافروں کودبئی سےلاہور پروازپی کے204 سے آج رات روانہ کیاجائے گا جبکہ کچھ مسافروں کوپی آئی اےکی پرواز شارجہ سےملتان کیلئےروانہ کردیا جائے گا۔
خیال رہے ذرائع نے بتایا تھا کہ ایئرلائن کے 19 بوئنگ 777 طیاروں میں صرف 5 طیارے اڑان بھر رہے ہیں جبکہ طیاروں کی بروقت مینٹننس نہ ہونے کی وجہ سے گراوٴنڈ ہیں اور ایئر بس 320 کے 17 جہازوں میں سے صرف 9 طیارے آپریٹ ہورہے ہیں۔