فلوریڈا : کائنات کا حسن امریکا میں سمٹ آیا، مس یونیورس کے انتخاب کیلئے مقابلہ پچیس جنوری کوہوگا، حسیناؤں کا فلوریڈا پہنچنے پر شاندار استقبال کیا گیا۔
مس یونیورس کا تاج کس کے سرسجے گا، اس مقابلے میں اٹھاسی ممالک کی حسینائیں شامل ہیں ،ساری حسیناؤں کو شدت سے اتوار کا انتظار ہے۔
- Advertisement -
حسیناؤں کے فلوریڈا کے شہر ڈورل میں پہنچنے پر رنگوں سے بھرے ایونٹ کا اہتمام کیا گیا ، دنیا بھر کی حسیناؤں کی جھلک عوام کو دکھائی گئی، جو اسٹیج بنی گاڑی پر سوار تھیں اور ہاتھ ہلا ہلا کر خوشی کا اظہار کررہی تھیں۔
سب نے ایک سے بڑھ کر ایک ملبوسات زیب تن کررکھے تھے، پچیس جنوری کو یہ پتا لگے گا کہ کس خوش نصیب دوشیزہ کے سر پر مس یونیورس کا جگمگاتا تاج سجے گا۔
