کراچی: کیماڑی انویسٹی گیشن ٹیم نے تہرے قتل کیس میں ملوث ملزم کو بنوں سے گرفتار کرلیا۔
تفصیلات کے مطابق کراچی کی کیماڑی انویسٹی گیشن ٹیم نے خیبرپختونخواکے ضلع بنوں میں کارروائی کرتے ہوئے تہرے قتل میں ملوث ملزم کو بنوں سے گرفتار کرلیا۔
ڈی آئی جی ساؤتھ اسد رضا نے اس حوالے سے بتایا کہ گرفتار ملزم مجیب اللہ نے گزشتہ سال ایک شخص کو قتل کیا تھا، قتل کا مقدمہ تھانہ ڈاکس میں درج کیا گیا تھا۔
- Advertisement -
ڈی آئی جی ساؤتھ اسد رضا کا کہنا تھا کہ گرفتار ملزم عدالت سے ضمانت کے بعد مفرور ہوگیا تھا، اشتہاری ملزم نے 6 اگست کو مچھرکالونی میں 2 افراد کو قتل کیا تھا، ملزم کی فائرنگ سے راہ گیر رکشہ ڈرائیور بھی زخمی ہوا تھا۔
