بوسٹن: امریکی شہربوسٹن میں وزیرِ خارجہ جان کیری کے گھر کے باہر برف جمع ہونے پر شہری انتظامیہ نےان پر پچاس ڈالر جرمانہ عائد کردیا۔
گذشتہ دنوں ہونے والی شدید برفباری کے دوران جان کیری سعودی عرب کے دورے پر تھے۔
امریکی میڈیا کے مطابق بوسٹن میں دو فٹ سے زائد برف پڑنے کے بعد شہری انتظامیہ نے شہریوں کو گھروں اور دکانوں کے باہر جمع برف ہٹانے کی ہدایت کی تھی اور برف نہ ہٹانے کی صورت میں جرمانہ عائد کرنے کا اعلان کیا تھا۔
- Advertisement -
امریکی وزیرِ خارجہ جان کیری کے گھر کے سامنے سے برف صاف نہ کی جاسکی جس کے بعدانتظامیہ نے وزیرِ خارجہ پر پچاس ڈالر جرمانہ عائد کردیا۔
اس دوران جان کیری امریکی صدر براک اوباما کے ساتھ سعودی عرب کے دورے پر تھے۔
