جنوبی اور مشرقی اسپین میں شدید بارشوں اور سیلاب نے تباہی مچادی ہے، جس کے باعث 95 افراد لقمہ اجل بن چکے ہیں۔
بین الاقوامی خبر رساں ادارے کی رپورٹ کے مطابق اسپین کے جنوبی اور مشرقی علاقوں میں صرف 8 گھنٹوں میں ہونے والی طوفانی بارشوں نے گزشتہ ایک برس کا ریکارڈ توڑ دیا ہے۔
مقامی حکام کے مطابق 95 افراد کے ہلاک ہونے کی اطلاعات ہیں، جبکہ مرنے ہونے والوں کی تعداد کے بارے میں حتمی اعداد و شمار کا اندازا لگانا ابھی مشکل ہے۔
طوفانی بارشوں کے باعث مکانات اور سڑکیں زیرآب آچکی ہیں، سیلاب میں گھرے لوگوں کی مدد کے لیے ریسکیو آپریشن کیا جارہا ہے، جبکہ شہریوں کو گھروں میں رہنے اور غیر ضروری سفر کرنے سے منع کیا گیا ہے۔
اس سے قبل شمال مشرقی نائیجیریا میں گزشتہ ماہ آنے والے سیلاب کے باعث 150 سے زائد افراد لقمہ اجل بن گئے تھے۔
نائجیرین ایمرجنسی ایجنسی کے ریاست بورنو جنرل مینیجر محمد برکیندو نے گزشتہ ماہ بورنو کے دارالحکومت میدوگوری اور دیگر کئی علاقوں میں شدید بارشوں کے باعث سیلاب کی تباہ کاریوں سے متعلق آگاہ کیا۔
اُن کا کہنا تھا کہ شمال مشرقی علاقوں میں گزشتہ ماہ آنے والے سیلاب کے باعث 150 افراد ہلاک ہوچکے ہیں۔
لبنان میں فوج کا بڑا جانی نقصان، اسرائیل حزب اللہ سے جنگ بندی پر رضامند
سیلاب کے باعث سینکڑوں افراد بے گھر ہوچکے ہیں جبکہ حکومت کی جانب سے متاثرین کے لئے امدادی سرگرمیاں جاری ہیں۔ سیلاب کے باعث ریاست میں ہیضے کی وبا پھیل چکی ہے۔
