بھارتی شہری کی درخواست پر عالمی شہرت یافتہ پاپ گلوکارہ سلینا گومز نے ’جے شری رام‘ کا نعرہ لگانے سے انکار کر دیا۔
میڈیا رپورٹس کے مطابق سوشل میڈیا پر ایک ویڈیو وائرل ہو رہی ہے جس میں ایک بھارتی شہری کی اچانک سلینا گومز سے ملاقات ہوتی ہے اور دونوں مختصر گفتگو کرتے ہیں۔
ویڈیو میں بھارتی شہری پاپ گلوکارہ سے ’جے شری رام‘ کا نعرہ لگانے کی درخواست کرتا ہے تو وہ حیران ہو جاتی ہیں۔ اس پر وہ کہتا ہے کہ ’ہندوستان کا بہترین نعرہ جے شری رام ہے‘۔
View this post on Instagram
لیکن پاپ گلوکارہ نعرہ لگانے سے انکار کرتے ہوئے صرف اس کا شکریہ ادا کرتی ہیں۔
مذکورہ ویڈیو کو سب سے پہلے انسٹاگرام پر پلو پالیوال نامی صارف نے شیئر کیا اور اب یہ سوشل میڈیا کے دیگر پلیٹ فارمز پر بھی وائرل ہو رہی ہے۔
پلو پالیوال نے کیپشن میں لکھا کہ ’ایک ہندوستانی نے سلینا گومز سے ملاقات کی اور دیوالی کے موقع پر ’جے شری رام‘ کہا‘۔
بھارتی شہری کی قابلِ مذمت حرکت پر سوشل میڈیا صارفین شدید تنقید کر رہے ہیں۔ ایک صارف نے کہا کہ مجھے بے حد شرمندگی محسوس ہو رہی ہے، یقین نہیں آ رہا کہ کوئی ایسا بھی کر سکتا ہے۔
دوسرے صارف نے اپنی رائے کا اظہار کیا کہ اگرچہ میرا ان لوگوں سے کوئی تعلق نہیں لیکن مجھے بھی یہ دیکھ کر شرمندگی محسوس ہو رہی ہے۔
