ہالی وڈ اداکار اور مقبول ریسلر ڈوین جانسن نے نامور امریکی گلوکارہ ٹیلر سوئفٹ کے ایراس ٹور کا ٹکٹ حاصل کرنے کیلیے اپنی جدوجہد کے بارے میں بتا دیا۔
میڈیا رپورٹس کے مطابق ٹیلر سوئفٹ کے ایراس ٹور کا ٹکٹ حاصل کرنا ڈوین جانسن جیسے نامور اداکار و ریسلر کیلیے بھی خاصہ مشکل رہا۔
ڈوین جانسن نے حالیہ انٹرویو میں اعتراف کیا کہ انہیں اپنے کیرئیر میں پہلی بار گلوکارہ کے مشہور کنسرٹ کے ٹکٹ حاصل کرنے کیلیے اثر و رسوخ کا استعمال کرنا پڑا۔
ٹیلر سوئفٹ کا عالمی سطح پر کامیاب ایراس ٹور جاری ہے جس کا اختتام دسمبر میں ہوگا۔
انٹرویو میں ہالی وڈ اسٹار نے کہا کہ میں نے ٹکٹ حاصل کرنے کیلیے کیریئر میں کبھی اثر و رسوخ کا استعمال نہیں کیا، عام طور پر مجھے اس کی ضرورت بھی نہیں پڑتی۔
غیر معمولی صورتحال کو تسلیم کرتے ہوئے انہوں نے انکشاف کیا کہ ایک دوست نے فائنل کنسرٹ کے پاس حاصل کرنے میں مدد کیلیے ان سے رابطہ کیا تھا۔
ڈویب جانسن نے یہ بھی اعتراف کیا کہ میں اس قسم کی چیزیں مانگنے میں کبھی پیش پیش نہیں رہا بلکہ مجھے یہ اچھا لگتا ہے کہ میں کسی کو کچھ دت سکوں، مجھے چیزیں مانگنے سے نفرت ہے، لیکن اس معاملے میں مجھے ٹیلر سوئفٹ کیلیے کرنا پڑا۔
انہوں نے بتایا کہ ہمیں کنسرٹ کے ٹکٹ مل گئے اور میرا دوست بھی بہت خوش تھا، بیٹیاں 23 سالہ سیمون، 8 سالہ جیسمین اور 6 سالہ ٹیانا گلوکارہ کی بہت بڑی مداح ہیں۔
