نئی دہلی : بھارتی دارالحکومت نئی دہلی کی اسمبلی کے انتخابات میں عام آدمی پارٹی نے میدان مار لیا۔
بھارتی میڈیا کےمطابق ایگزٹ پول نتائج کے تحت نئی دلی اسمبلی کے انتخابات میں سابق ٹیکس افسر اروندکجریوال کی عام آدمی پارٹی نےحکمراں جماعت بھارتیہ جنتا پارٹی پر واضح اکثریت حاصل کر لی ہے۔
اب تک عام آدمی پارٹی اڑتیس نشستیں جیت کر حکومت بنانے کی پوزیشن میں آچکی ہے اوراسے کسی بھی جماعت کی حمایت درکار نہیں ہو گی۔
- Advertisement -
بی جے پی اور اس کی اتحادی جماعتیں انتیس نشستوں کے ساتھ دوسرےاور کانگریس تیسرے نمبر پر ہے۔ انتخابات میں لگ بھگ ساٹھ فیصد ووٹر نے ووٹ ڈالے،
سرکاری نتائج منگل کو متوقع ہیں۔ متوسط اور نچلے طبقوں میں اروند کیجریوال نے خاصی پرجوش انتخابی مہم چلائی تھی۔
اگر حتمی نتائج میں عام آدمی پارٹی جیت گئی تو یہ وزیرِ اعظم مودی کے لیے دھچکہ ثابت ہو گا۔
