پشاور: وزیر اعلیٰ خیبرپختونخوا علی امین گنڈا پور نے کہا ہے کہ کرم کے شہریوں کو درپیش مشکلات کا احساس ہے، صوبائی حکومت کرم کے عوام کوریلیف دینے کیلئے وسائل بروئے کار لا رہی ہے۔
اے آر وائی نیوز کے مطابق وزیر اعلیٰ خیبرپختونخوا علی امین گنڈا پور کا کہنا تھا کہ کوشش ہے کرم کے عوام کو درپیش مسائل جلد سے جلد حل ہوں اور لوگوں کی مشکلات کا حل نکالا جاسکے۔
وزیر اعلیٰ خیبرپختونخوا کا کہنا تھا کہ امید ہے جلد کرم کے مسئلے کا پرامن حل نکل آئے گا، صوبائی حکومت مسئلے کے پر امن کے لئے کوششیں جاری رکھے ہوئے ہے۔
ترجمان کے پی حکومت کے مطابق وزیراعلیٰ علی امین گنڈاپور کی خصوصی ہدایت پر کرم کیلئے ہیلی کاپٹر سروس جاری ہے، ہیلی کاپٹر کی 6 پروازوں کے ذریعے 145 افرادکو ایئر ٹرانسپورٹ کی سہولت فراہم کی گئی۔
ترجمان نے بتایا کہ جمعرات کوہیلی کاپٹرکی پرواز کے ذریعے 29 افراد کو پشاور سے پاراچنار پہنچایا گیا جبکہ ہیلی کاپٹرکی پرواز سے بچوں کے لئے دودھ کے پیکٹس بھی پاراچنار پہنچائے گئے۔
ہیلی کاپٹرکی دوسری پرواز میں 31 افراد کو پاراچنار سے کوہاٹ منتقل کیا گیا، اس کے علاوہ تیسری پرواز کے ذریعے 10 افراد اور ایک میت کوہاٹ سے پاراچنار منتقل کیا گیا۔
کراچی میں ایم ڈبلیو ایم کا احتجاج، ٹریفک پولیس کا خصوصی پلان جاری
ترجمان کے مطابق ہیلی کاپٹر کی چوتھی پرواز میں 31 افراد کو پاراچنار سے کوہاٹ پہنچایا گیا، پانچویں پرواز کے ذریعے 5 افراد کو کوہاٹ سے پارا چنار منتقل کیا گیا۔
