قومی ٹیم کے فاسٹ بولر میر حمزہ ڈومیسٹک کرکٹ میں فیلڈنگ کے دوران زخمی ہوگئے۔
کرکٹ ویب سائٹ کی رپورٹ کے مطابق فاسٹ بولر میر حمزہ دوران میچ کہنی پر زخم لگنے کے باعث گراؤنڈ سے باہر چلے گئے۔
میر حمزہ پریزیڈںٹ ٹرافی گریڈ ون کرکٹ ٹورنامنٹ میں فیلڈنگ کرتے ہوئے زخمی ہوئے۔
- Advertisement -
32 سالہ بائیں ہاتھ کے فاسٹ بولر غنی گلاس کے لیے ایشال ایسوسی ایٹس کے خلاف کھیل رہے ہیں۔
میچ کے دوسرے روز میر حمزہ ڈائیو لگا کر کیچ کرتے ہوئے زخمی ہوئے ہیں، غنی گلاس کے کوچ کامران اکمل نے میر حمزہ کے زخمی ہونے کو افسوسناک قرار دیا۔
کامران اکمل نے کہا کہ آؤٹ فیلڈ پر گھاس نام کی کوئی چیز نہیں جب مٹی پر کھلاڑی ڈائیو ماریں گے تو یہی ہونا ہے۔
واضح رہے کہ میر حمزہ کو کراچی کنگز نے پاکستان سپر لیگ ڈرافٹ میں سلور کیٹیگری میں سیزن 2025 کے لیے منتخب کیا ہے۔
