بنگلادیش میں ریلوے ملازمین کی ہڑتال کے باعث ٹرینوں کا پہیہ جام ہوگیا۔
غیرملکی خبررساں ادارے کی رپورٹ کے مطابق بنگلادیش میں ریلوے ملازمین کی ہڑتال کے باعث 400 سے زائد ٹرینیں رُک گئیں جس کے نتیجے میں لاکھوں مسافر رل گئے۔
ریلوے یونین کا کہنا ہے کہ جب تک پنشن اور اوور ٹائم کی ادائیگی کا مسئلہ حل نہیں ہوتا ہڑتال ختم نہیں کی جائے گی۔
ریلوے یونین حکام کی جانب سے حکام کو پیر تک مطالبات کی منظوری کا وقت دیا گیا ہے۔
ریلوے یونین کا کہنا ہے کہ محکمے میں افرادی قوت کی کمی کی وجہ سے ملازمین اپنے مقررہ وقت سے زیادہ ڈیوٹی کرتے ہیں۔
وزارت ریلوے کا کہنا ہے کہ ہڑتال کی وجہ سے اہم روٹس پر بس سروس کا آغاز کردیا ہے جو مسافر ٹرین کا ٹکٹ بک کرچکے ہیں وہ اسی ٹکٹ پر بس کے ذریعے سفر کرسکتے ہیں۔
واضح رہے کہ بنگلادیش میں ٹرین کے ذریعے یومیہ ڈھائی لاکھ افراد سفر کرتے ہیں۔
