کراچی : گلبرگ بلاک 12 سے 13 سالہ بچی کو مبینہ طور پر اغوا کرلیا گیا، پولیس نے بچی کی بازیابی کے لیے تحقیقات کا آغاز کردیا ہے۔
تفصیلات کے مطابق کراچی میں بچوں کے اغوا کی وارداتیں کم نہ ہوسکیں، گلبرگ بلاک 12 سے 13 سالہ بچی مبینہ طور پر اغوا کیا گیا۔
تھانہ گلبرگ میں بچی کے والد کی مدعیت میں مقدمہ درج کرلیا ہے، والد نے بتایا کہ 13 سالہ سوہانہ 26 جنوری کی شام 6 بجے لاپتہ ہوئی، شعیب نامی شخص نے2ساتھیوں کےہمراہ بیٹی کواغواکیا۔
پولیس کا کہنا ہے کہ اغوا کاروں کے موبائل نمبرز ٹریس کررہے ہیں اور بچی کی بازیابی کے لیے تحقیقات کا آغاز کردیا ہے۔
مزید پڑھیں: کراچی: پیر آباد میں بچے کے اغوا کی کوشش ناکام، ملزم پکڑا گیا
گذشتہ روز کراچی پیرآباد کے علاقے نورانی محلے میں کم عمر لڑکے کو اغوا کی کوشش ناکام بنادی گئی تھی، مبینہ اغوا کار بچے کو لے کر جارہا تھا کہ شک ہونے پر شہریوں نے اسے پکڑ لیا اور تشدد کے بعد پولیس کے حوالے کردیا تھا۔
شہری کا کہنا تھا کہ اغوا کار نے بچے کو بریانی کھلانے کے بہانے اغوا کی کوشش کی تھی۔
واضح رہے کہ دسمبر 2024 سے اب تک مجموعی طور پر کراچی سے 12 بچے اغوا اور لاپتہ ہوئے۔
رپورٹ میں کہا گیا کہ ویسٹ زون سے 3 بچے لاپتا ہوئے، بلال کالونی سے مبینہ اغوا ہونے والے بچے کو قتل کیا گیا۔
پولیس رپورٹ میں کہا ہے کہ گلبہار سے لاپتہ ہونےوالابچہ بازیاب کیاگیا جبکہ منگھو پیر سے لاپتہ بچہ خود گھر آیا۔
مزید پڑھیں: کراچی میں دسمبر 2024 سے اب تک کتنے بچے لاپتہ ہوئے اور کتنوں کو قتل کیا گیا؟
رپورٹ کے مطابق ایسٹ زون سے 6 بچے لاپتہ ہوئے تھے، گلستان جوہر کی 2 سالہ کنیز تاحال لاپتہ ہے جبکہ مبینہ ٹاون سپرہائی وے سے لاپتہ 2 بچوں اور زمان ٹاون اور شاہ لطیف سے لاپتہ 3 بچوں کو بازیاب کرایا گیا۔
پولیس رپورٹ میں کہنا تھا کہ ساوتھ زون سے 3 بچے لاپتہ ہوئے تھے جبکہ سعیدآباد سے لاپتا 4 سالہ بچے کا بھی تاحال کچھ پتہ نہ چل سکا۔
