چین نے مختلف ممالک سے مویشیوں اور دیگر لائیو اسٹاک مصنوعات کی درآمدات پر پابندی عائد کردی ہے۔
غیر ملکی ذرائع ابلاغ کے مطابق چینی کسٹم حکام کا اس حوالے سے کہنا ہے کہ لائیو اسٹاک مصنوعات کی درآمدات پر پابندی جانوروں سے پھیلنے والی بیماریوں کے خدشات پر لگائی گئی ہے۔
غیرملکی میڈیا کا کہنا ہے کہ منہ اور پاؤں کی بیماری پھیلنے کی وجہ سے چین نے افریقی، ایشیائی اور یورپی ممالک سے بھیڑ، بکری، مرغیوں اور دیگر مویشیوں کی درآمدات پر پابندی عائد کردی ہے۔
میڈیا رپورٹس میں کہا گیا ہے کہ چائنہ میں لگائی اس پابندی میں پراسس اور غیر پروسس شدہ مصنوعات بھی شامل ہیں۔
عالمی ادارہ برائے حیوانات کی جانب سے مختلف ممالک میں جانوروں میں پھیلنے والی بیماریوں کے حوالے سے آگاہی دی گئی تھی۔
دوسری جانب چین اور بھارت نے پانچ سال کے بعد براہ راست فضائی سروس دوبارہ شروع کرنے پر رضامندی ظاہر کردی ہے۔
رپورٹ کے مطابق چینی وزیر خارجہ وانگ ای نے بیجنگ میں بھارتی سیکریٹری خارجہ وکرم مسری سے ملاقات کے دوران براہ راست فضائی سروس دوبارہ شروع کرنے پر آمادگی کا اظہار کیا۔
بھارتی وزارت خارجہ کا کہنا تھا کہ چائنہ اور بھارت کے درمیان دوبارہ سے براہ راست پروازیں شروع کرنے پر اتفاق رائے پیدا ہوگیا ہے، چینی بھارتی حکام میں پروازوں کی بحالی فریم ورک پر بات چیت کے لیے ملاقات جلد ہوگی۔
برطانیہ: 4 پاکستانی نژاد اراکین پارلیمنٹ کو نئی ذمہ داریاں سونپ دی گئیں
واضح رہے کہ چائنہ بھارت متنازع سرحدی علاقے میں 2020 کی فوجی جھڑپوں کے بعد سے دونوں ممالک کے تعلقات کشیدہ ہیں۔ گزشتہ روز امریکا اور چین کے وزرائے خارجہ کے درمیان پہلا ٹیلی فونک رابطہ ہوا تھا۔
