کراچی : امریکی خاتون اونیجا اینڈریو کو چھیپا ہیڈ آفس منتقل کردیا گیا، خاتون ذہنی دباؤ میں ہے اور کسی سے بات نہیں کر رہیں۔
تفصیلات کے مطابق محبت کی شادی کیلئے کراچی آنے والی امریکی خاتون اونیجا اینڈریو کو چھیپا ہیڈ آفس منتقل کردیا گیا۔
ٹیپوسلطان پولیس نے خاتون کو چھیپا ہیڈآفس پہنچایا، ترجمان چھیپا ویلیفئر کا کہنا ہے خاتون کو علیحدہ کمرہ فراہم کیا گیا ہے، خاتون ذہنی دباؤمیں ہے،اس لیے کسی سے بات نہیں کررہی۔
رمضان چھیپا نے تصدیق کی ٹیپوسلطان تھانے کی معرفت سےامریکی خاتون ہمارےپاس آئیں، خاتون چند دنوں سے کراچی کی سڑکوں پر دربدر پھر رہی تھیں۔
ان کا کہنا تھا کہ ہم چاہتےہیں امریکی خاتون پاکستان سےعزت کےساتھ رخصت ہو، پریشانی کی وجہ سے امریکی خاتون کی ذہنی کیفیت پراثرپڑا ہے۔
مزید پڑھیں : امریکی خاتون گارڈن میں اپارٹمنٹ کی پارکنگ سے اچانک روانہ
گذشتہ روز کراچی میں موجود امریکی خاتون پورا دن فلیٹ کی بیسمنٹ میں رہنے کے بعد اچانک آن لائن ٹیکسی میں نامعلوم مقام کی جانب روانہ ہوگئی تھی، پولیس کا کہنا تھا نہیں معلوم خاتون کہاں گئی۔
خاتون نے دعویٰ کیا تھا کہ آن لائن شادی کی تھی، مجھے پیسے نہیں چاہیے میرے پاس پیسے ہیں۔
یاد رہے خاتون اونیجا اینڈریو نے گارڈن میں واقع پاکستانی لڑکے ندال میمن کے گھرپر دھرنا دے دیا تھا اور فلیٹس کے پارکنگ ایریا میں کرسی ڈال کر بیٹھ گئی تھی۔
اونیجا اینڈریو کا کہنا تھا کہ کچھ بھی ہوجائے اپنی محبت حاصل کئے بغیر نہیں جاؤں گی۔
پولیس حکام کا کہنا تھا خاتون لڑکے سے ملاقات اور ہر ہفتے 5 ہزار امریکی ڈالرز کی ادائیگی کا مطالبہ کررہی ہے۔
