کراچی : امریکی خاتون نے چلتی ایمبولنس میں ہنگامہ آرائی کی اور اتر کر سڑک پر بھاگ گئی، اس موقع پر شہریوں کی بڑی تعداد نرسری کے قریب جمع ہوگئی۔
تفصیلات کے مطابق محبت کی شادی کیلئے کراچی آنے والی امریکی خاتون اونیجا اینڈریو نے چلتی ایمبولنس میں ہنگامہ آرائی شروع کردی۔
اونیجا اینڈریو نے شاہراہ فیصل پر ٹیپو سلطان کےقریب ایمبولینس کو رکوالیا اور ایمبولنس سے نکل کر سڑک پر بھاگ گئی۔
امریکی خاتون نے رکشے کو روکا تو خاتون کے بیٹھتے ہی رکشہ خراب ہو گیا ، جس پر رکشے کو ٹھیک کرنے کے بعد دوبارہ چلایا گیا۔
اس موقع پر شہریوں کی بڑی تعداد نرسری کے قریب جمع ہوگئی ، اونیجا اینڈریو کا کہنا ہے کہ مجھے اب پولیس اسٹیشن نہیں جانا۔
دوسری جانب گیسٹ ہاؤسزکی جانب سے بھی خاتون کو کمرہ دینے سے انکار کردیا۔
گذشتہ روز محبت کی شادی کیلئے کراچی آنے والی امریکی خاتون اونیجا اینڈریو کو چھیپا ہیڈ آفس منتقل کیا گیا تھا۔
ٹیپوسلطان پولیس نے خاتون کو چھیپا ہیڈآفس پہنچایا تھا، ترجمان چھیپا ویلیفئر کا کہنا تھا خاتون کو علیحدہ کمرہ فراہم کیا گیا ہے، خاتون ذہنی دباؤمیں ہے،اس لیے کسی سے بات نہیں کررہی۔
