دنیا بھر میں مقبولیت کے ریکارڈز توڑنے والی جنوبی کورین سیریز اسکوئڈ گیم کے تیسرے اور آخری سیزن کی ریلیز کا اعلان کر دیا گیا۔
سنہ 2021 کے اواخر میں نیٹ فلکس پر چھا جانے والی کورین سیریز اسکوئڈ گیم کا تیسرا اور آخری سیزن رواں برس 27 جون کو ریلیز کیا جائے گا۔
آن لائن اسٹریمنگ پلیٹ فارم نیٹ فلکس نے جمعرات کو ’نیکسٹ آن نیٹ فلکس‘ کے ایونٹ کا انعقاد کیا جس میں نیٹ فلکس پر آنے والے شوز کا اعلان کیا گیا۔
اسی ایونٹ میں اسکوئڈ گیم کے تیسرے سیزن کا بھی اعلان کیا گیا اس اعلان کے ساتھ سیزن 3 کا ایک نیا پوسٹر اور تصاویر بھی جاری کی گئی ہیں۔
View this post on Instagram
سیزن 2 میں بھی سیونگ گی ہن کی کہانی ہے، جو اس گیم کو جڑ سے ختم کرنے کیلئے دوبارہ خطرناک گیم میں شامل ہوجاتے ہیں، جبکہ سیزن 2 میں فرنٹ مین بھی گیم میں شامل ہوتے ہیں۔
سیزن 3 میں ان بچ جانے والے کھلاڑیوں کی قسمت بھی واضح ہوگی جو پچھلے سیزن کی سخت آزمائشوں سے گزرنے کے بعد آئرلینڈ میں ہی موجود ہیں۔
ڈرامہ، تھرل اور ایکشن سے بھرپور سیریز اسکوئڈ گیم کو 2021 میں دنیا بھر میں پذیرائی ملی تھی، ریلیز ہونے کے ایک مہینے کے اندر ہی یہ نیٹ فلکس پر سب سے زیادہ دیکھی جانے والی سیریز بن گئی تھی۔
View this post on Instagram
شوبز کی خبریں دینے والے امریکی جریدے ورائٹی کے مطابق اسکوئڈ گیم کے سیزن ون کو ایمی ایوارڈ کے لیے 17 نامزدگیاں ملی تھیں۔
اسکوئڈ گیم میں قرض میں ڈوبے لوگوں کو مجبوری کے عالم میں ایک ایسے کھیل کا حصہ دکھایا گیا تھا جس میں سینکڑوں افراد کو پیسے کا لالچ دے کر مختلف کھیل کھلائے جاتے ہیں اور ہارنے والا زندگی کی بازی ہار جاتا ہے۔
