پاکستانی شوبز انڈسٹری کی اداکارہ و میزبان نادیہ خان نے شجاع اسد کو بالی وڈ سُپر اسٹار سلمان خان سے بڑا اداکار قرار دے دیا۔
نادیہ خان نے نجی نیوز چینل کے ایک شو میں اپنے خیالات کا اظہار کیا جہاں ان کا کہنا تھا کہ کسی نے مجھ سے کہا کہ شجاع اسد سلمان خان جیسا لگتا ہے۔
’جی ہاں، وہ ینگ سلمان خان ہے، سلمان خان سُپر اسٹار ہیں لیکن شجاع اسد ان سے کہیں بہتر اداکار ہے، وہ اپنے فن اور اداکاری کی بدولت بہت آگے ہیں۔‘
یہ بھی پڑھیں: مجھ پر تنقید کرنے کیلیے لوگوں کو پیسے دیے گئے، نادیہ خان
اداکارہ کا کہنا تھا کہ اس میں کوئی شک نہیں کہ سلمان بہت بڑے اسٹار ہیں لیکن اداکاری میں شجاع اسد نے ان کو پیچھے چھوڑ دیا، میرا یہ بیان سوشل میڈیا پر وائرل کر دیں۔
اس سے قبل نادیہ خان نے اپنے ایک بیان میں کہا تھا کہ بھارت نے پاکستانی اداکاروں پر پابندی اس لیے لگائی کیونکہ وہ ان وہ ان کی اداکاری سے خوفزدہ ہیں۔
جولائی 2024 میں اے آر وائی ڈیجیٹل کے شو ’گڈ مارنگ پاکستان‘ میں میزبان ندا یاسر کے ساتھ گفتگو میں نادیہ خان نے اپنی ایک ایسی ڈیزائنر دوست کو قصہ سنایا تھا جس سے ان کی دوستی کو چند ہی دن گزرے تھے۔
نادیہ خان نے بتایا تھا کہ ایک دفعہ مجھے میری ڈیزائنر دوست ملی جس سے دو بار ہی ملاقات ہوئی تھی، تیسری ملاقات میں وہ مجھے کہتی ہے کہ ’نادیہ تمہارا جو دل ہے نا وہ سونے کا ہے۔ تمہارا دل بہت خوبصورت ہے۔ تمہاری سوچ، مثبت خیالات، تم جو لوگوں کیلیے کرتی ہو۔۔۔‘
اداکارہ و میزبان نے بتایا تھا کہ میں نے اسے وہیں روک لیا اور پوچھا کہ تم مجھے جانتی ہو؟ میں نے اسے کہا کہ ہم دوسری یا تیسری بار مل رہے ہیں، جتنی تم تعریفیں کر رہی ہو ایسی کوئی بات میرے اندر نہیں ہے، مجھے تمہاری باتوں سے گھبراہٹ ہو رہی ہے۔
نادیہ خان کے مطابق میں نے اسے کہا تھا کہ یہ سب بکواس ہے برائے مہربانی چپ کر جاؤ، ٹھیک ہے میں تمہیں پسند ہوں لیکن میری جھوٹی تعریفیں مت کرو، مجھے پتا ہے تم جھوٹ بول رہی ہے اور دوسرا میں تمہیں پروموشن دے دوں گی مگر ایسی تعریفیں مت کرو۔
انہوں نے بتایا تھا کہ جب کوئی میری جھوٹی تعریفیں کرتا ہے تو مجھے یوں محسوس ہوتا ہے جسے میرے جسم پر کیڑے چل رہے ہوں، جب اس نے مجھے کہا کہ تم کتنی عظیم ہو تب میں نے کہہ دیا کہ اب تم میری گاڑی سے اتر جاؤ۔
نادیہ خان نے شو میں کہا تھا کہ دراصل کوئی میری جھوٹی تعریفیں کرتا ہے تو مجھے بہت چڑ ہوتی ہے۔
