نیویارک: بھارتی شہری نکھل گپتا پر سکھ رہنما گروپتونت سنگھ کو قتل کرنے کی سازش کے الزام میں امریکی عدالت میں مقدمہ چلانے کا فیصلہ کیا گیا ہے۔
تفصیلات کے مطابق بین الاقوامی سطح پر بھارتی دہشت گردی بے نقاب ہو گئی ہے، امریکی جج کی جانب سے فرد جرم عائد ہونے پر 3 نومبر کو نکھل گپتا پر سکھ رہنما کے قتل کی سازش کا مقدمہ چلانے کا فیصلہ کیا گیا ہے۔
امریکی جج نے نکھل گپتا کے پاس سے دریافت شدہ 15,000 امریکی ڈالر کی نقد رقم ضبط کرنے کا فیصلہ کیا، یہ رقم سابق بھارتی انٹیلی جنس افسر کی جانب سے کرائے کے قاتل کو ادا کرنے کے لیے استعمال ہوئی۔
سکھ رہنما کے قتل کی سازش بھارتی شہری نکھل گپتا پر فرد جرم عائد
نکھل گپتا پر سکھ رہنما گروپتونت سنگھ پنون کو قتل کرنے کی سازش کا الزام ہے، امریکی عدالت میں بھارتی شہری کے قتل کے مقدمے پر بھارت کا منفی کردار بے نقاب ہوا، نکھل گپتا کی گرفتاری پر بھارتی خفیہ ایجنسی کا سیاہ چہرہ بھی سامنے آیا۔
گپتا کو جون 2023 میں جمہوریہ چیک میں گرفتار کیا گیا تھا، جس کو ایک سال بعد امریکا کے حوالے کیا گیا، یہ مقدمہ اس بات کا ثبوت ہے کہ بھارتی خفیہ ایجنسی قتل کی سازش میں ملوث ہے۔
