راولپنڈی: بلوچستان کے ضلع تربت میں سیکیورٹی فورسز سے فائرنگ کے تبادلے میں 3 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کا کہنا ہے کہ سیکیورٹی فورسز نے ضلع کیچ تربت میں انٹیلیجنس بیسڈ آپریشن کیا اس دوران فائرنگ کے تبادلے میں 3 دہشت گرد ہلاک ہوگئے۔
ترجمان پاک فوج کا کہنا ہے کہ مارے گئے دہشت گردوں سے اسلحہ، دھماکا خیز مواد برآمد ہوا ہے۔
آئی ایس پی آر کا بتانا ہے کہ ہلاک دہشت گرد شہریوں اور فورسز پر حملوں میں ملوث تھے، علاقے میں ممکنہ دہشت گردوں کے خاتمے کے لیے کلیئرنس آپریشن جاری ہے۔
یہ پڑھیں: سیکیورٹی فورسز کے پاک افغان بارڈر پر فالو اپ آپریشنز ، 17 خوارجی ہلاک
ترجمان پاک فوج کے مطابق فورسز بلوچستان میں امن و امان سبوتاژ کرنے کی کوشش ناکام بنانے کے لیے پرعزم ہیں۔
یاد رہے کہ گزشتہ روز سیکیورٹی فورسز کے پاک افغان بارڈر پر کامیاب فالو اپ آپریشنز میں 17خوارجی مارے گئے تھے۔
آئی ایس پی آر کا کہنا تھا کہ ہلاک خوارج سے ہتھیار ،گولیاں اور دھماکا خیز مواد برآمد ہوا ہے۔
ترجمان پاک فوج کا کہنا تھا کہ گزشتہ روز پاک افغان بارڈر پر کارروائی میں 54 خوارج مارے گئے تھے جبکہ گزشتہ تین روز میں سیکیورٹی فورسز کی کارروائیوں میں 71 خوارج ہلاک ہوئے۔
