فلم لوو گرو کی مرکزی کاسٹ اور پاکستان کے ستارے ہمایوں سعید اور اداکارہ ماہرہ خان کو اعزازی شیلڈ سے نوازا گیا ہے۔
متحدہ عرب امارات میں سفیر پاکستان فیصل نیازترمذی نےدبئی میں پاکستانی فلمی ستاروں کے اعزازمیں تقریب منعقد کی، پاکستان کے سفیر فیصل نیاز ترمذی نے قونصل جنرل حسین محمد اور پاکستانی سفارتی مشن کے ارکان کے ہمراہ تقریب میں شرکت کی۔
سفیر پاکستان فیصل نیاز ترمذی نے ماہرہ خان اور ہمایوں سعید کو پاکستانی فلم انڈسٹری میں ان کی نمایاں خدمات کے اعتراف میں متحدہ عرب امارات (یو اے ای) کے شہر دبئی میں اعزازی شیلڈز پیش کیں۔
View this post on Instagram
فیصل ترمزی نے اس موقعے پر کہا کہ پاکستان کے بارے میں عالمی تاثر تشکیل دینے میں فلمی صنعت اہم کردارادا کرسکتی ہے، تقریب میں متحدہ عرب امارات میں مقیم پاکستانیوں نے بڑی تعداد میں شرکت کی۔
تقریب میں صرف’’ لوگرو فلم ‘‘کی کاسٹ کو مدعو کیا گیا تھا، دبئی میں پاکستان ایمبسی پاکستانی فلموں کو پروموٹ کرنے کیلئے سرگرم ہے۔
واضح رہے کہ ’’فلم لووگرو‘‘ اے آروائی فلمز کی پیشکش ہے، اور یہ فلم عیدالاضحیٰ پر سینما گھروں کی زینت بنے گی۔
