بھارت میں بنگلورو کے ایم چناسوامی اسٹیڈیم کے باہر گزشتہ روز بھگدڑ مچنے کے باعث 11 افراد لقمہ اجل بن گئے تھے، تاہم اس واقعے کے بعد اب ویرات کوہلی نے ردعمل ظاہر کیا ہے۔
بھارتی ٹیم کے سابق کپتان ویرات کوہلی نے انسٹاگرام پر ایک پوسٹ شیئر کرتے ہوئے لکھا ہے کہ ’اس واقعے کے بعد میں مکمل طور پر ٹوٹ گیا ہوں اور میرے پاس کہنے کے لیے الفاظ نہیں ہیں۔‘
کرناٹک کے وزیر اعلیٰ سدارامیا کا کہنا تھا کہ واقعات پر سیاست نہیں کرنی چاہیے۔ وزیر اعلی ٰنے رائل چیلنجرز بنگلور (آر سی بی)کی آئی پی ایل جیت کے جشن کے دوران بھگدڑ کو ایک ‘غیر متوقع حادثہ’ قرار دیا۔
واضح رہے کہ انڈین پریمیئر لیگ (آئی پی ایل) کی فرنچائز رائل چیلنجرز بنگلور کی جیت کے جشن میں گزشتہ روز بھگدڑ سے 11 افراد ہلاک ہوگئے تھے۔
رائل چیلنجرز بنگلور کی جیت کے جشن میں بھگدڑ مچنے کے نتیجے میں 11 افراد ہلاک اور 50 سے زائد زخمی ہوئے۔ ہلاک اور زخمی ہونے والوں میں خواتین اور بچے بھی شامل ہیں۔
آئی پی ایل میں رائل چیلنجرز بنگلور کی جیت کا جشن منایا جارہا تھا، چناسوامی اسٹیڈیم کے اطراف ہزاروں شائقین کرکٹ جمع ہوئے تھے۔
رائل چیلنجرز بنگلور نے 18 سال بعد پہلی بار ٹائٹل جیتا تھا اور فائنل میں پنجاب کنگز کو 6 رنز سے شکست دی تھی۔
رائل چیلنجرز بنگلور کی جیت کے جشن میں بھگدڑ سے 11 افراد ہلاک
رائل چیلنجرز بنگلور نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 190 رنز بنائے تھے 191 رنز کے تعاقب میں پنجاب کنگز کی ٹیم 184 رنز بناسکی اور انہیں فائنل میں 6 رنز سے شکست کا سامنا کرنا پڑا تھا۔
