کراچی: ایم کیوایم کےرہنما ڈاکٹرخالد مقبول صدیقی نےعمران خان کوسیاسی گدھ اورجعلی لیڈرقراردے دیا،انہوں نے کہا کہ ہم نہیں ہوں گے توکراچی میں کوئی اورہم جیسا ہوگا۔
عمران خان کی تنقید کےجواب میں متحدہ قومی مومنٹ کےرہنما ڈاکٹرخالد مقبول صدیقی نے بھی جارحانہ انداز اختیار کیا، عمران خان کوجعلی لیڈرقراردیتے ہوئےانہوں نے کہا عمران خان نےکرایہ پرلوگ لےرکھےہیں۔
خالدمقبول صدیقی نے کہا کہ جب بھی ایم کیوایم پرسخت وقت آتا ہے سیاسی گدھ کراچی پرمنڈلانےلگتےہیں،عمران خان نے جنہیں زندہ لاشیں قراردیا انہیں کی لاشوں پرپاکستان بناتھا۔
ایم کیوایم کےرہنماکاکہنا تھا کہ کراچی میں اگرایم کیوایم کوختم کیا گیا توحقوق کی آوازبلندکرنےوالاکوئی اوراٹھ کھڑا ہوگا۔
خالدمقبول صدیقی کا کہنا تھا کہ اصل جمہوریت وہاں ہوتی ہےجہاں ایم کیوایم ہو، قوم نے الطاف حسین کو نہ سمجھا تو بڑی بدقسمتی ہوگی۔
