کراچی : پی ٹی اے کی خواتین کے شناختی کارڈز پر غیر قانونی سمز ایکٹیویشن کی نشاندہی پر نیشنل سائبرکرائم انویسٹی گیشن ایجنسی نے کارروائی کرتے ہوئے ملزم راشد ایوب کو گرفتار کرلیا۔
تفصیلات کے مطابق کراچی میں نیشنل سائبرکرائم انویسٹی گیشن ایجنسی نے کارروائی کی ، حکام نے بتایا کہ پی ٹی اے نے خواتین کے شناختی کارڈز پر غیر قانونی سمز ایکٹیویشن کی نشاندہی کی۔
این سی سی آئی اے حکام کا کہنا تھا کہ سمز غیر قانونی طور پر فرنچائز میں فعال کی گئیں، کارروائی میں ایک ملزم راشد ایوب کو گرفتار کرکے ڈیجیٹل آلات اور مجرمانہ مواد برآمد کرلیا۔
حکام نے کہا کہ مارچ میں 1069 سمز غیر قانونی طور پر ایکٹیویٹ کی گئیں، جس میں سے 895 سمز خواتین کے شناختی کارڈزپر جاری کی گئیں۔
مزید پڑھیں : پی ٹی اے کا لاکھوں موبائل سمز بند کرنیکا فیصلہ
این سی سی آئی اے کے مطابق فرنچائز مالک اور منیجربھی جرم میں ملوث پائےگئے تاہم گرفتار ملزم راشد ایوب کے خلاف مقدمہ درج کرکے تفتیش جاری، پی ٹی اےکی شکایت پرکارروائی کی گئی۔
یاد رہے زائدالمیعاد شناختی کارڈز پر جاری 49 لاکھ سے زائد موبائل سمز بند کرنےکا فیصلہ کیا گیا ہے۔
نادرا کی سفارش پر وزارت داخلہ نے پی ٹی اے کو کارروائی کی ہدایت جاری کردی گئی ہے ، منسوخ، زائدالمیعاد اور فوت شدگان کے شناختی کارڈز پر رجسٹرڈ سمز مرحلہ وار بند ہوں گی۔
