لاہور: پاکستان اورزمبابوے کےدرمیان ہونے والے ٹی ٹوئنٹی میچ کی سینکڑوں ٹکٹیں چوری ہوگئیں ہیں۔
تفصیلات کے مطابق جمعہ کے روز منعقد ہونے والے میچ کے ٹکٹس پاکستان کرکٹ بورڈ کی تحویل میں سے چوری ہوئے ہیں۔
پی سی بی نے لاہور کے علاقے گلبرگ میں واقعہ لبرٹی تھانے میں چوری کا مقدمہ درج کرادیا ہے۔
پی سی بی کے مطابق چوری شدہ ٹکٹیں عمران خان انکلوژر اور فضل محمود انکلوژر کی ہیں جن کی مالیت فی ٹکٹ 1500روپے ہے۔
پولیس نے تفتیش کا آغاز کرتے ہوئے اسٹیڈیم کے قریب سے ایک شخص کو گرفتار کرلیا ہے جوکہ خود کو پولیس اہلکار ظاہر کرکے ٹکٹس بلیک میں فروخت کررہا تھا۔
چوری شدہ ٹکٹوں کی مالیت 9 لاکھ روپے ہے جو کہ ناصرف یہ کہ پی سی بی کے لئے ایک بڑا مالی نقصان ہے بلکہ چوری شدہ ٹکٹس دہشت گردی کی ممکنہ کاروائی میں اسمتعمال ہونے کا بھی اندیشہ ہے۔
Comments
- Advertisement -
