ایڈریاٹکا: اٹلی کے شہر ایڈریاٹکا میں ایئرشو کے دوران دو طیارے آپس میں ٹکراکر سمندر میں جاگرے،حادثے میں ایک پائلٹ جاں بحق ہوگیا۔
بغیر مہارت کے کرتب دکھانا ممکن نہیں مگر کبھی کبھی کرتب بازی کے مظاہروں کے دوران اچانک کچھ ایسا ہوجاتا ہے کہ مہارت دھری کی دھری رہ جاتی ہے اور حادثہ ہوجاتا ہے ایسا ہی ایک حادثہ اٹلی کے شہر ایڈریاٹکا کے ساحل پر ایک ایئر شو کے دوران ہوا۔
طیارے ابھی کرتب دکھانے کے لیے اڑے ہی تھے کہ اچانک دونوں طیارے انتہائی قریب آگئے اور طیاروں سے نکلتی ہوئی دودھیا دھویں کی لکریں ایک ہوگئیں۔
دونوں طیاروں کے پائلٹوں نے طیاروں کو ٹکرانے سے بچانے کی بہت کوشش کی مگر مہارت کام نہ آئی اور طیارے زوردار آوازکے ساتھ ٹکراکر سمندر میں جاگرے، ساحل پرطیاروں کے کرتب سے لطف اندوز ہونے والے لوگ سہم کر رہ گئے ۔
Comments
- Advertisement -
