واشنگٹن : بزرگ امریکی شہری نے 76 سال بعد گریجویشن مکمل کرلیا، ولیم کارٹر ویگنر نے دوسری جنگ عظیم میں حصّہ لیا تھا جس کے باعث تعلیم کا سلسلہ رُک گیا تھا جس کا انہیں ملال تھا۔
تفصیلات کے مطابق امریکہ کے 94 سالہ شہری نے اسکول چھوڑنے کے 76سال بعد گریجویشن مکمل کرکے اس بات کو سچ ثابت کردیا کہ حصوّل تعلیم کے لیے عمر کی کوئی حد معین نہیں ہے انسان جب تعلیم حاصل کرنا چاہئے کرسکتا ہے۔
غیر ملکی خبر رساں ادارے کا کہنا تھا کہ امریکی شہری کی تعلیمی کامیابی کسی عورت کا نہیں بلکہ اس کے بیٹے کا ہاتھ تھا جس نے خفیہ طور پر باپ کے گریجویشن کرنے کا انتظام کیا اور ضعیف باپ نے طویل عرصے بعد تعلیم کا سلسلہ مکمل کرلیا۔
میڈیا رپورٹ کے مطابق شکاگو سے تعلق رکھنے والے 94 سالہ ولیم کارٹر ویگنر نے دوسری جنگ عظیم میں حصّہ لیا تھا اور ان کی تعلیم کا سلسلہ درمیان میں ہی رُک گیا تھا جس کا انہیں ملال تھا۔
گزشتہ برس مارچ میں ان کے بیٹے فورسٹ ویگنر نے خفیہ طور پر باپ کے گریجویشن کرنے کا انتظام کیا اور 94 سالہ ولیم نے 76 سال بعد اپنی گریجویشن کی تعلیم مکمل کرلی۔
دلچسپ بات یہ ہے کہ ولیم کارٹرویگنر نے ٹیلڈن ہائی اسکول سے گریجویشن مکمل کیا یہ وہی سکول ہے جہاں ان کی تعلیم سلسلہ ٹوٹا تھا۔
یاد رہے کہ اس سے قبل جنگ عظیم میں حصّہ لینے والے اور بزرگ امریکی شہری نےاعلیٰ تعلیم کی ڈگری حاصل کی تھی۔
