کوئٹہ: بلوچستان اسمبلی میں 9 مئی کے پُرتشدد مظاہروں کے خلاف مذمتی قرارداد پیش کر دی گئی۔ مذمتی قرارداد رکن بلوچستان اسمبلی ظہور بلیدی نے پیش کی۔
قرارداد میں کہا گیا ہے کہ 9مئی کوتحریک انصاف کی جانب سے پرتشدد احتجاج کی مذمت کرتے ہیں پی ٹی آئی کے کارکنان نےسرکاری و نجی املاک پر حملے کئے۔
پینل آف چیئر نے مذمتی قرارداد بحث کیلئے منظور کر لی۔
رکن بلوچستان اسمبلی ظہور بلیدی کا کہنا ہے کہ عمران خان بیرونی ایجنڈے پر کار فرما ہے، 75سال میں ملک دشمنوں نے طرح طرح کی سازشیں کیں ملک کو تباہ کرنے کی گھناونی سازش کی گئی، املاک کو نقصان پہنچانے والوں کے خلاف کارروائی ہونی چاہیے۔
