کراچی: محکمہ صحت کا کہنا ہے کہ چین سے کراچی پہنچنے والے طالب علم میں کروناوائرس کی تصدیق نہیں ہوئی۔
اے آر وائی نیوز کے مطابق 19فروری کو رپورٹ ہونے والے طالب علم میں کوروناوائرس کی تصدیق نہیں ہوئی۔ 22سالہ طالب علم میں چین سے کراچی آمد پر بخار ودیگر علامات ظاہر ہوئیں۔
محکمہ صحت نے بتایا کہ نوجوان کو ڈاؤیونیورسٹی میں آئیسولیشن وارڈ میں رکھا گیا، نوجوان کے خون کے نمونے تجزیے کے لیے این آئی ایچ اسلام آباد بھجوائے، این آئی ایچ کی رپورٹ میں کروناوائرس کی موجودگی کی تصدیق نہیں ہوئی۔
نوجوان کو طبی امداد کے بعد گھر روانہ کردیا گیا ہے۔
خطرناک کرونا وائرس بے قابو ، ہلاکتوں کی تعداد 2100 سے تجاوز کرگئی
خیال رہے کہ چین میں کرونا وائرس سے ہلاکتوں کی تعدا دو ہزار ایک سو اٹھارہ ہوگئی جبکہ وائرس نے75 ہزار افراد کو شکار بنالیا، اقوام متحدہ کے سیکریٹری جنرل انتونیو گوتریس نے چین میں کرونا وائرس کی صورت حال کو خطرناک قرار دیا ہے۔
