انگلینڈ کے ساتھ ہونے والی ون ڈے سیریز میں وائٹ واش کے بعد قومی ٹیم کے کپتان، کھلاڑیوں، مینیجمنٹ پر شائقین کھل کر تنقید کررہے ہیں۔
کرکٹ شائقین نے ون ڈے سیریز میں ٹیم کی ناقص کارکردگی پر بولنگ اور بیٹنگ کوچ جبکہ کچھ لوگوں اور نامور شخصیات نے شاہین شاہ آفریدی کو بھی تنقید کا نشانہ بنایا۔
قومی کرکٹ ٹیم کے سابق فاسٹ بولر محمد عامر کرکٹر شاہین شاہ آفریدی کی حمایت میں بولے اور نوجوان بولر کے ساتھ یکجہتی کا اظہار کیا۔ سماجی رابطے کی ویب سائٹ ٹویٹر پر جاری اپنے پیغام میں محمد عامر نے کہا کہ ’میرے خیال سے شاہین شاہ آفریدی موجودہ اسکواڈ میں پاکستان کا سب سے بہترین فاسٹ بولر ہے‘۔
in my opinion @iShaheenAfridi is one of the finest bowler and the best Pakistan has currently, shaheen keep your head high u have done it before n u’ll smash it again IA. don’t take some attention seekers dislikeness to ur heart.
— Mohammad Amir (@iamamirofficial) July 14, 2021
عامر نے شاہین شاہ کو مخاطب کرتے ہوئے مشورہ دیا کہ ’تم اپنا سر بلند رکھوں کیونکہ پہلے بھی تم نے کارکردگی دکھائی اور آئندہ بھی دکھاؤ گے‘۔
مزید پڑھیں: برمنگھم اسٹیڈیم کے باہر ” گومصباح گو، گو وقارگو کے نعرے بلند
یہ بھی پڑھیں: “کھلاڑیوں کو فیور دینےکی بحث کبھی ختم نہیں ہوگی”
محمد عامر نے شاہین شاہ آفریدی کو مشورہ دیا کہ وہ توجہ حاصل کرنے کے متلاشی ناقدین کی باتوں کو دل پر نہ لیں۔
واضح رہے کہ دورۂ انگلینڈ میں شاہین شاہ آفریدی ون ڈے سیریز کے تین میچز میں صرف دو وکٹیں حاصل کرسکے تھے۔
