The news is by your side.

ایک سال قبل کراچی سے اغوا ہونے والا نوجوان بازیاب

کراچی : سندھ اینٹی وائیلنٹ کرائم سیل نے کارروائی کرتے ہوئے ایک سال قبل کراچی سے اغوا ہونے والے  نوجوان کو بازیاب کرالیا۔

تفصیلات کے مطابق اینٹی وائلنٹ کرائم سیل نے مورو میں کارروائی کی ، کارروائی کے دوران کراچی سے اغوا ہونے والے نوجوان کو بازیاب کرا لیا گیا۔

ایس ایس پی امجد حیات نے بتایا کہ نوجوان کو گزشتہ سال شیر شاہ کے علاقے سے اغوا کیا گیا تھا۔

پولیس کا کہنا تھا کہ نوجوان کے اغوا میں شیر شاہ کا رہائشی ملوث ہے، جو پندرہ سالہ عدیل کو اغواء کر کے مورو لے گیا تھا اور گھر میں قید کر کے رکھا تھا۔

پولیس کے مطابق چھاپے کے دوران ملزم سیلابی صورتحال اور کچے راستوں کی وجہ سے فرار ہوگیا، جس کی گرفتاری کیلئے کوششیں جاری ہیں۔

حکام نے کہا کہ شہری کو 17ستمبر 2021 کو کراچی سے اغواء کیا گیا تھا، مغوی کی فیملی شیرشاہ میں رہ رہی ہے۔

ایس ایس پی اے وی سی سی امجد حیات نے پولیس پارٹی کو شاباش دیتے ہوئے پولیس پارٹی کو بہترین کارکردگی پر نقد انعام اور تعریفی اسناد سے نوازا۔

Comments

یہ بھی پڑھیں