The news is by your side.

Advertisement

صنعتی پیداوار یقینی بنانے کے لیے قیمتوں کے نظام کو مناسب اور مربوط بنایا جا رہا ہے، مشیرتجارت

لاہور: وزیراعظم پاکستان کے مشیر تجارت عبدالرزاق داؤد کا کہنا ہے کہ ملک میں صنعتی پیداوار بڑھانے کے لیے محصولات کے نطام کو موثر اور مناسب بنایا جا رہا ہے۔

تفصیلات کے مطابق لاہور میں مشیر تجارت عبدالرزاق داؤد نے پنجاب سے تعلق رکھنے والے صنعت کاروں سے ملاقات کے دوران کہا کہ پاکستانی مصنوعات کی مسابقت یقینی بنانے کے لیے کوششیں جاری ہیں۔

عبدالرزاق داؤد نے کہا کہ چین نے ایک ارب ڈالر مالیت کی پاکستانی مصنوعات درآمد کرنے کا عزم ظاہر کیا ہے جس کے لیے چینی اور چاول کے برآمدی اہداف مکمل کرلیے گئے ہیں جبکہ سوتی دھاگا چین برآمد کیا جا رہا ہے۔

وزیراعظم عمران خان کے مشیر تجارت نے کہا کہ چین اپنے صنعتی یونٹ بھی پاکستان منتقل کررہا ہے۔

چین کے ساتھ آزادانہ تجارتی معاہدہ ہو چکا: مشیر تجارت

یاد رہے کہ گزشتہ ماہ 21 جون کو مشیر تجارت عبد الرزاق داؤد کا کہنا تھا کہ چین کے ساتھ آزادانہ تجارتی معاہدہ ہوچکا، چینی کمپنی پاکستان میں ٹیکسٹائل کی مصنوعات تیار کرے گی۔ ایک چینی کمپنی ٹرک کے ٹائر کا پلانٹ لگانے کا ارادہ رکھتی ہے۔

عبد الرزاق داؤد کا کہنا تھا کہ آزادانہ تجارتی معاہدے کے معاملات جلد مکمل ہو جائیں گے، 15 جولائی کو چینی وزیر تجارت سے مذکرات کے لیے چین جاؤں گا۔

Comments

یہ بھی پڑھیں