سابق آل راؤنڈر عبدالرزاق کا قومی ٹیم کی افغانستان کے ہاتھوں شکست پر بات کرتے ہوئے کہنا تھا کہ افغانستان سے شکست پر سب کو بہت دکھ ہوا ہے۔
عبدالرزاق نے کہا کہ اس میچ میں پاکستان کو 350 کا ٹارگٹ دینا چاہئے تھا۔ سابق آل راؤنڈر نے کہا کہ ایسا لگ رہا تھا کہ عبداللّہ شفیق کو کھیلنا ہی نہیں آتا ہے، بابراعظم کو بتانا چاہیے کہ مینجمنٹ کیا کر رہی ہے؟
عماد وسیم نے اپنا رد عمل دیتے ہوئے کہا کہ پاکستان کے لیے بات کرتا ہوں، کسی کھلاڑی کیخلاف نہیں، بابر اعظم کے ورلڈ ریکارڈ ہیں۔ اس وکٹ پر اوسط رن 300 ہے، افغانستان نے دکھایا دنیا کی کرکٹ کہاں جارہی ہے۔
واضح رہے کہ گزشتہ روز بھارت میں ہونے والے آئی سی سی کرکٹ ورلڈ کپ کے میچ پہلی بار افغانستان نے پاکستان کو 8 وکٹوں سے شکست دے دی۔
چنئی میں کھیلے گئے میچ میں پاکستان کی جانب سے دیا گیا 283 رنز کا ہدف افغانستان نے 49ویں اوورز میں 2 وکٹوں کے نقصان پر حاصل کرلیا۔
رحمان اللہ گرباز نے 65 رنز کی شاندار اننگز کھیلی، ابراہیم زدران 87 رنز بنا کر نمایاں رہے، رحمت شاہ 77 اور کپتان حشمت اللہ شاہدی48 رنز کے ساتھ ناٹ آؤٹ رہے۔
