قومی ٹیم کے سابق ٹیسٹ کرکٹر عبدالرزاق کو اسٹیڈیم میں داخل ہونے سے روک دیا گیا۔
اے آر وائی نیوز کے مطابق سابق ٹیسٹ کرکٹرعبدالرزاق کو قذافی اسٹیڈیم میں داخلے سے روک دیا گیا جس کے بعد وہ واپس گھر کی جانب روانہ ہوگئے۔
پولیس اہلکار نے رزاق سے مکالمہ کرتے ہوئے کہا کہ آپ اس دروازے سے داخل نہیں ہو سکتے۔
سابق آل راؤنڈر نے جواب دیتے ہوئے کہا کہ میں تو روز یہیں سے جاتا ہوں، مگر پولیس اہلکاروں نے اجازت نہیں دی جس کے بعد وہ واپس چلے گئے۔
مزید پڑھیں: اداکارہ دیدار سے دوستی تھی، شادی کرنا چاہتا تھا، عبدالرزاق
واضح رہے کہ آج قذافی اسٹیڈیم میں پشاور زلمی اور اسلام آباد یونائیٹڈ کا میچ کھیلا جارہا ہے، زلمی نے ٹاس جیت کر پہلے بیٹنگ کا فیصلہ کیا ہے۔
یاد رہے کہ اس سے قبل بھی قذافی اسٹیڈیم کے باہر ڈی ایس پی کی شہری کو تھپڑ مارنے کی ویڈیو سوشل میڈیا پر وائرل ہوگئی تھی۔
موٹر سائیکل سوار شہری قذافی اسٹیڈیم کے قریب سے گزر رہا تھا تو ڈی ایس پی نے شہری کو تھپڑ جڑ دیا تھا جس کے بعد وہ خاموشی سے چلا گیا تھا۔
