لاہور: قومی ٹیم کے ہیڈ عبدالرحمان کا کہنا ہے کہ افغانستان کے خلاف کپتان شاداب خان اور نسیم شاہ ہمارے ٹرم کارڈ ثابت ہوں گے۔
قومی ٹیم کے ہیڈ کوچ عبدالرحمان کا کہنا ہے کہ پاکستان کرکٹ ٹیم کا ہیڈ کوچ بننا میرے لیے اعزاز کی بات ہے، افغانستان کے خلاف سیریز میں سینئر کھلاڑیوں کو آرام دیا گیا ہے کہ مگر ہماری ٹیم مضبوط ہے۔
انہوں نے کہا کہ جو کھلاڑی ٹیم میں منتخب ہوئے ہیں تمام کھلاڑی فارم میں ہیں اور ٹیم کی بیٹنگ بولنگ مضبوط ہے۔
ہیڈ کوچ نے کہا کہ یقین ہے کہ نتیجہ اچھا آئے گا ہم شارجہ کے حالات دیکھ کر ٹیم کمبی نیشن بنائیں گے سب کی مشاورت سے ایک ٹیم بنیں گی۔
عبدالرحمان کا کہنا تھا کہ افغانستان کی ٹیم ٹی 20 میں مضبوط ہے لیکن ہمارے نوجوان کھلاڑی بھی بھرپور فارم میں ہیں شائقین کو اچھی کرکٹ دیکھنے کو ملے گی۔
واضح رہے کہ افغانستان کے خلاف سیریز تین ٹی ٹوئنٹی میچوں پر مشتمل ہے جو 24، 26 اور 27 مارچ کو شارجہ میں کھیلی جائے گی۔
