سندھ ہائیکورٹ نے بیرسٹر عابدزبیری کو سپریم کورٹ بار کے صدر کی حیثیت سے بحال کر دیا۔
تفصیلات کے مطابق عابدزبیری کیخلاف سپریم کورٹ بار کی ایگزیکٹوکمیٹی کے 10 ارکان نے قرارداد منظور کی تھی۔ کمیٹی کے ارکان نےمنتخب صدر بیرسٹر عابدزبیری کو معطل کر کے نیا صدر مقرر کیا تھا۔
معطلی کے خلاف بیرسٹر عابدزبیر نے سندھ ہائیکورٹ سے رجوع کیا تو جسٹس ندیم اختر پر مشتمل بینچ نے درخواست منظور کر کے عابدزبیری کو بحال کر دیا۔
عدالت نے فریقین کو 18مئی کیلئے نوٹس بھی جاری کر دیئے۔
پاکستان بار کے غیرقانونی اقدام پر سپریم کورٹ بار نے جوابی کارروائی کرتے ہوئے پاکستان بار کی ایگزیکٹو کمیٹی کے ارکان کی رکنیت منسوخ کردی تھی۔
اعلامیہ کے مطابق پاکستان بار ایگزیکٹیو کمیٹی کے ارکان کی رکنیت عبوری معطل کی جاتی ہے۔ پاکستان بار کونسل کے7 ممبران کی رکنیت معطلی کا نوٹیفکیشن جاری کر دیا گیا ہے۔
حسن رضاپاشا، امجد شاہ، ریاضت علی سحر، طارق آفریدی، مسعودچشتی، احسن بھون اور قلب حسن شاہ کی رکنیت معطل کی گئی ہے۔ ممبر شپ معطل کرتے ہوئےحتمی منظوری کا معاملہ جنرل باڈی کو بھجوا دیا گیا ہے۔
سپریم کورٹ بار نے اپنی ایگزیکٹیو کمیٹی کے 10 ارکان کی رکنیت بھی معطل کر دی۔ یوسف مغل، عدنان اعجاز شیخ، حفظہ بخاری، افضل مالک بلوچ، عامرصابر، یاسرظہور، سلیم اختر وڑائچ، محمد محسن ورک، منوج کمہار تجوانی اور عرفان میر کی رکنیت معطل کی گئی ہے۔
