اسلام آباد : گلوکار ابرار الحق نے لندن میں کنسرٹ کرنے پر معافی مانگ لی اور کہا اپنی غلطی تسلیم کرتاہوں کہ لوگ مجھے سے ناراض ہوتے ہیں تو مجھے نہیں آنا چاہیے تھا۔
تفصیلات کے مطابق گلوکار ابرار الحق نے اے آر وائی نیوز کے پروگرام الیونتھ آور میں گفتگو کرتے لندن کنسرٹ سے متعلق بتایا کہ لندن میں پراپرٹی ایکسپوہورہی ہے، جس میں بڑےٹائیکون شرکت کررہےہیں ایونٹ میں سہارافاؤنڈیشن کے لیے فنڈنگ کےسلسلےمیں شرکت کی۔
ابرارالحق نے کہا لندن ایونٹ شرکت نہیں کرتاتوسہاراکایوکےمیں لائسنس کینسل ہوجائے اورلائسنس کینسل کیساتھ جرمانہ بھی ادا کرنا پڑتا۔
انھوں نے بتایا کہ ایونٹ میں پہنچاتومجھےبتایاگیاکہ آپ کیلئےسیکیورٹی بڑھادی ہے، ایک صحافی نےبتایاکہ منصوبہ بنایاگیاہےکہ آپ کو زدوکوب کیا جائے گا۔
سابق پی ٹی آئی رہنما نے کہا کہ واقعے میں پی ٹی آئی کے لوگ نہیں تھے، ن لیگ کی حمایت کرنے والے صحافی تھے، جنہوں نے بد مزگی کی ہے ، لندن میں لوگ ان صحافیوں کواچھی طرح جانتےہیں، لندن میں جوواقعہ ہواپی ٹی آئی کے لوگوں نے نہیں کیا۔
ان کا کہنا تھا کہ ایک چیریٹی فنکشن میں اپنی فاؤنڈیشن کیلئے شرکت کی تھی، جانتاہوں لوگ مجھ سے ناراض ہیں، مجھے بھی بہت تکلیف ہے، میرے لوگ مجھ سے ناراضی کا اظہارکر رہےہیں مجھے بھی دکھ ہے۔
ابرارالحق نے مزید کہا کہ اگر میں نے لوگوں کے احساسات کو تکلیف دی ہے تو اس کے لیے معذرت کی ہے۔ اپنی غلطی تسلیم کرتا ہوں کہ لوگ اگر مجھے سے ناراض ہوتے ہیں تو مجھے نہیں آنا چاہیے تھا۔
