ابوظہبی : اماراتی پولیس نے متحدہ عرب امارات سمیت عالمی سطح پرمنشیات اسمگل اور فروخت کرنے والے 5 افراد پر مشتمل گروہ کو گرفتار کر کے 17 کلو سے زائد منشیات برآمد کرلی ہے۔
تفصیلات کے مطابق متحدہ عرب امارات کی ریاست و دارالحکومت ابوظہبی کی پولیس منشیات اسمگلنگ اور سپلائی کرنے والے گروہ کو دو مختلف سرچ آپریشن کے دوران گرفتار کیا ہے۔
ابوظہبی کے پولیس ترجمان کا کہنا تھا کہ گرفتار ملزمان پورے ملک میں منشیات فررخت کرنے کی منصوبہ بندی کررہے تھے جنہیں خفیہ اطلاعات کے بعد ہفتے کے روز گرفتار کرکے 17.5 کلو گرام منشیات ضبط کی تھیں۔
ابوظہبی پولیس کے بریگیڈئر محمد سہیل الراشدی کا کہنا تھا کہ ملزمان کی گرفتاری کے لیے دو الگ الگ آپریشن کے گئے تھے پہلا آپریشن ’بڑا چیلنج‘ کے نام کیا تھا جس میں پولیس نے منشیات اسمگلنگ کرنے والے عالمی گروہ کو حراست میں لے کر 12 کلو گرام ’ہیروئن‘ برآمد کی تھی۔
ڈائریکٹر کرمنل سیکٹر ابوظہبی پولیس نے بتایا کہ ملزمان کارگو کنٹینر کے 4 ٹن وزنی اسپئر پارٹس میں چھپاکر منشیات ملک میں لائے تھے۔
پولیس نے منشیات فروشوں کے خلاف دوسرا آپریشن ’فون کی موت‘ کے نام سے کیا تھا جس دوران منشیات فروش کو 5.5 کلو ڈرگز کے ساتھ رنگے ہاتھوں گرفتار کیا تھا جس نے منشیات موبائل فون کی دکان میں چھپائی ہوئی تھی۔
مزید پڑھیں : ابوظہبی پولیس نے 20 افراد کو گرفتار کرکے ہیروئن اور کرسٹل برآمد کرلی
یاد رہے کہ رواں برس اپریل میں اماراتی کے دارالحکومت ابوظہبی میں پولیس اور نارکوٹکس اہلکاروں نے خفیہ اطلاعات پر مشترکہ کارروائی کرتے ہوئے منشیات اسمگلنگ اور فروخت میں ملوث ایشائی گروہ کو گرفتار کرکے 20 کلو گرام سے زائد ہیروئن اور کرسٹل برآمد کرلی ہے۔
