ااسلام آباد : احتساب عدالت نے جعلی اکاؤنٹس کیس میں سابق صدر آصف زرداری اور فریال تالپور کیخلاف چار ریفرنس نیب کو واپس بھجوا دیے گئے۔
تفصیلات کے مطابق اسلام آباد کی احتساب عدالت میں سابق صدر آصف زرداری و دیگر ملزمان کیخلاف جعلی اکاؤنٹس کیس کی سماعت ہوئی۔
آصف زرداری کے وکیل فاروق نائیک ، نیب پراسیکیوٹرز عدالت پیش ہوئے، احتساب عدالت کے جج محمد بشیر نے فریقین کے دلائل سننے کے بعد فیصلہ سنایا۔
- Advertisement -
احتساب عدالت نے جعلی اکاؤنٹس کیس میں چار ریفرنس نیب کو واپس بھجوادیے، آصف زرداری ، فریال تالپور، حسین لوائی و دیگر کیخلاف ریفرنس نیب کو واپس کئے گیے۔
فاروق نائیک نے کہا کہ نیب قانون کے بعد یہ ریفرنسز عدالت کےدائرہ اختیار میں نہیں ، احتساب عدالت ریفرنسز پرٹرائل نہیں چلا سکتی۔
