کراچی: سی ٹی ڈی ٹریفک پولیس اہلکار کی شہادت نے کارروائی کرتے ہوئے 8 سال قبل ناظم آباد سگنل پر ٹریفک اہلکار کو نشانہ بنانے والے ملزم کو گرفتار کرلیا۔
تفصیلات کے مطابق سی ٹی ڈی شعبہ تفتیش نے سولجر بازار میں خفیہ اطلاع پر کارروائی کرتے ہوئے ٹریفک پولیس اہلکار کی شہادت میں ملوث ملزم8سال کے بعد گرفتارکرلیا۔
گرفتار ملزم کے قبضے سے تیس بور پستول برآمد کیا، ملزم قاضی اعجاز پر قتل،اقدام قتل اور دہشتگردی سمیت دیگر دفعات کے تحت مقدمہ درج تھا۔
سی ٹی ڈی نے بتایا کہ ملزم نے 2014ء میں ڈیوٹی پر موجود ٹریفک اہلکار محمد منشاء کو نشانہ بنایا تھا،گرفتار ملزم سے مزید تفتیش کی جارہی ہے۔
حکام کا کہنا تھا کہ محمد منشاء ساتھی اہلکاروں سمیت ٹریفک سگنل چورنگی نمبر1ناظم آباد میں ڈیوٹی انجام دے رہا تھا کہ ڈیوٹی کے دوران ایک موٹر سائیکل پر سوار 2ملزمان لیاقت آباد ڈاکخانے کی جانب سے آئے، پیچھے بیٹھے ملزم نے پستول نکالی اور محمد منشاء کو نشانہ بنایا۔
فائرنگ کے دوران ایک رکشہ ڈرائیور کو بھی گولیاں لگی تھی، دہشتگردی کے اس واقعہ میں محمد منشاء اسپتال میں ہی شہید ہوگیا تھا۔گرفتار ملزم سے مزید تفتیش کی جارہی ہ
