کراچی : سی ٹی ڈی ٹارگٹ کلنگ ورکنگ گروپ نے ٹریفک اور ڈسٹرکٹ پولیس اہلکار سمیت سات افراد کی ٹارگٹ کلنگ میں ملوث ملزم کو گرفتار کرلیا۔
.تفصیلات کے مطابق کراچی کے علاقے ناگن چورنگی کے قریب سی ٹی ڈی ٹارگٹ کلنگ ورکنگ گروپ نے کارروائی کرتے ہوئے ٹریفک اور ڈسٹرکٹ پولیس اہلکار سمیت سات افراد کی ٹارگٹ کلنگ میں ملوث ملزم گرفتارکرلیا۔
انچارج سی ٹی ڈی علی رضا نے بتایا کہ ملزم کے خلاف قتل،اقدام قتل اور دہشتگردی سمیت دیگر دفعات کے تحت مقدمات درج ہیں ، ملزم فراز الحسن اور ساتھیوں نے 2014 کو ٹریفک اہلکار محمد منشا کو شہید کیا، محمد منشاء ساتھی اہلکاروں سمیت ٹریفک سگنل چورنگی نمبر1ناظم آباد میں ڈیوٹی انجام دے رہا تھا۔
علی رضا کا کہنا تھا کہ 2014 میں ہی پاپوش نگر اشرف کمیونٹی ہال کے قریب پولیس اہلکار شاہد کو شہید کیا، اہلکار کو سوتیلے بھائی کے قتل کا بدلہ لینے کے لیے قتل کیا، شہید اہلکار شاہد کی ریکی ملزم کے والد قاضی وحید کر رہے تھے۔
انچارج سی ٹی ڈی نے کہ کہ 2014 اورنگی میں جاوید عرف کنچہ اور مبینہ نامی خاتون کی ٹارگٹ کلنگ کی، خاتون کے قتل کے لیے پچیس ہزار روپے لیے تھے جبکہ 2015 ٹیپوسلطان میں دودھ فروش کا قتل کیا، دودھ فروش کو ملزم اور اس کی کزن کی دوستی کے بارے میں پتہ چل گیا تھا۔
محمد منشاء شہادت کی میں قاضی اعجاز اور مزمل کالا پہلے گرفتار ہوچکے ہیں تاہم گرفتار ملزم سے مزید تفتیش کی جارہی ہے۔
