لاڑکانہ: پولیس نے شیخ زید ویمن اسپتال سے نومولود کو اغوا کرنے والی ملزمہ کو کراچی سے گرفتار کرلیا ہے۔
اے آر وائی نیوز کے مطابق ایس ایس پی نے بتایا کہ لاڑکانہ پولیس نے کراچی بلدیہ ٹاؤن میں گھر پر چھاپا مار کر بچی کو بازیاب کرالیا۔
ملزمہ نے 18 نومبر کو اسپتال سے نومولود بچی کو اغوا کرلیا تھا، بازیاب بچی کو اہلخانہ کے حوالے کیا جائیگا، ملزمہ سے تفتیش جاری ہے۔
دوسری جانب وزیراعلیٰ بلوچستان مغوی مصور خان کی بازیابی کیلیے جاری دھرنے میں پہنچ گئے، ان کے ساتھ اسپیکر بلوچستان اسمبلی، صوبائی وزرا بھی موجود تھے۔
وزیراعلیٰ بلوچستان سرفرازبگٹی کا خطاب میں کہنا تھا کہ پہلے دن سے متاثرہ فیملی کے ساتھ رابطے میں تھے، جس دن واقعہ ہوا ایسا محسوس ہوا جیسے میرا اپنا بچہ اغوا ہوا ہے، ایسے واقعات کے بعد ورثا کے پاس احتجاج کے علاوہ کوئی آپشن نہیں ہوتا، مسائل کا حل گفت و شنید ہے۔
سرفرازبگٹی نے کہا کہ مصور خان ہمارا اپنا بچہ ہے، حکومت بازیابی کیلئے اقدامات کررہی ہے، حکومت اپنی ذمہ داریوں سے غافل نہیں، وزیراعلیٰ ہاؤس کے دروازے سب کیلئے کھلے ہیں۔
گلشن اقبال میں نظارت سے سینکڑوں موٹر سائیکلیں چوری ہونے کا انکشاف
وزیراعلیٰ بلوچستان کا کہنا تھا کہ احتجاج کا حق آئین نے دیا ہے، حکومت اپنی کوشش جاری رکھے گی، بچے کی بازیابی کیلئے جیآئی ٹی بنائی جو روزانہ کی بناد پر مجھے رپورٹ کریگی، کوشش ہوگی ایسے واقعات دوبارہ نہ ہوں، ہماری ہمدردیاں متاثرہ فیملی کے ساتھ ہیں۔
