The news is by your side.

کراچی میں ڈاکو راج: ملزمان فیکٹری ملازم سے10لاکھ روپے لوٹ کر فرار

کراچی : نیو کراچی انڈسٹریل ایریا میں ملزمان فیکٹری ملازم سے10لاکھ روپے لوٹ کر فرار ہوگئے، فیکٹری ملازم منتیں کرتا رہا ، لیکن ملزمان نے ایک نا سنی۔

تفصیلات کے مطابق کراچی کے علاقے نیو کراچی انڈسٹریل ایریا سیکٹر 12میں ڈکیتی کی واردات ہوئی ، جس میں موٹر سائیکل سوار2 ملزمان فیکٹری ملازم سے10لاکھ روپے لوٹ کر فرار ہوگئے۔

واقعے کی سی سی ٹی وی فوٹیج اے آروائی نیوز نے حاصل کرلی، جس میں دیکھا جاسکتا ہے کہ ملزمان مبینہ طور پر فیکٹری ملازم کے پیچھے بینک سے لگے تھے اور فیکٹری ملازم کے موٹر سائیکل روکتے ہی ملزمان پیچھے سے آگئے۔

فوٹیج میں دکھایا گیا ہے کہ ملزمان نے مکمل جامع تلاشی لیکر رقم کے دو پیکٹ نکالے، چھپایا گیا 5 لاکھ روپے کا ایک پیکٹ محفوظ رہا۔

رقم چھین کر فرار ہونےکے دوران ورکر ہاتھ جوڑ کر معافیاں مانگتا رہا، فیکٹری ملازم منتیں کرتا رہا پیسے واپس کردو لیکن ملزمان نے ایک نا سنی۔

واردات کے بعد ملزمان جس گلی سے آئے تھے اسی گلی سے فرار ہوگئے۔

پی ٹی آئی رکن سندھ اسمبلی راجا اظہر نے نیوکراچی انڈسٹریل ایریامیں فیکٹری ملازم سے 10 لاکھ روپےڈکیتی کی مذمت کرتے ہوئے کہا کہ پولیس ملزمان کی گرفتاری فوری یقینی بنائے۔

راجا اظہر کا کہنا تھا کہ ڈکیتی واردات میں کمی کیلئےموٹربائیک فورس بنائی گئی جوسڑک پر نظر نہیں آتی،واقعات سےاب شہریوں کا پارہ ہائی ہے،شہری عدم برداشت کی طرف جارہے ہیں۔

Comments

یہ بھی پڑھیں