شوبز انڈسٹری کی معروف اداکارہ منشا پاشا نے شوہر جبران ناصر سے علیحدگی کی خبروں کی تردید کردی۔

اداکارہ منشا پاشا نے حال ہی میں پوڈ کاسٹ بطور مہمان شرکت کی جہاں انہوں نے سوشل میڈیا پر چلنے والی اپنی طلاق کی افواہوں کے بارے میں اظہار خیال کیا۔

انہوں نے کہا کہ جبران ناصر اکثر تقریبات میں میرے ساتھ شریک نہیں ہوتے اس لیے لوگوں کو لگتا ہے کہ ہمارا ایک دوسرے سے تعلق خراب ہے۔

اداکارہ نے مسکراتے ہوئے کہا کہ جوڑے بری نظر کی وجہ سے بھی ساتھ تقریبات میں جانے سے گریز کرتے ہیں۔

پہلی شادی کا وقت میرے لیے بہت مشکل تھا، منشا پاشا

منشا پاشا کا کہنا ہے کہ اب سوشل میڈیا کا دور ہے تو تعلقات کی خوشگواری کو ناپنے کا پیمانہ بھی بدل گیا ہے تو اب آپ جتنا زیادہ سوشل میڈیا پر نظر آئیں گے دنیا کی نظر آپ اتنے ہی خوش ہیں۔

انہوں نے کہا کہ میرا یہ ماننا ہے کہ سوشل میڈیا پر 100 لوگوں کی جانب سے ہونے والی تنقید کا دباؤ صرف چند خاندان ہی برداشت کر سکتے ہیں اس لیے میں اور جبران اس بات کو یقینی بنانے کی کوشش کرتے ہیں کہ ہمارے گھر کا کوئی بھی معاملہ گھر سے باہر نہ نکلے۔

واضح رہے کہ منشا پاشا نے 2021 میں سیاست دان اور سماجی رکن جبران ناصر کے ساتھ دوسری شادی کی تھی۔