پاکستان کی معروف اداکارہ ریشم نے کہا ہے کہ ان کے لیے شادی سے زیادہ ضروری ذہنی صحت اور سکون ہے۔
حال ہی میں پاکستان شوبز انڈسٹری کے تین اسٹارز ریشم، احمد علی اکبر اور آمنہ الیاس نے ایک نجی چینل کے شو میں بطورِ مہمان شرکت کی جہاں انہوں نے اپنی نجی زندگی سے متعلق گفتگو کی۔
شو میں میزبان واسع چوہدری نے گفتگو کے دوران تینوں اسٹارز سے شادی سے متعلق سوال کیا جس پر اداکار ریشم نے کہا کہ میرے لیے شادی سے زیادہ ضروری میری ذہنی صحت اور سکون ہے، میں شادی کرکے پاگل نہیں ہونا چاہتی۔
اداکارہ ریشم نے کہا کہ ’میں نے اپنے اردگرد اپنی سہیلیوں میں دیکھا ہے جتنی تیزی سے شادیاں ہورہی ہیں وہ اتنی ہی جلدی ٹوٹ بھی رہی ہیں، آج کل کی شادیاں ذہنی سکون چھین رہی ہیں‘۔
اداکارہ نے مزید کہا کہ ’میں جب کسی کی شادی کو ٹوٹتا ہوا دیکھتی ہوں تو بہت زیادہ گھبراتی ہوں، ساتھ ہی موجود اداکار احمد علی اکبر نے کہا کہ ’مجھے لگتا ہے اب میری شادی ہوجانی چاہیے‘۔
