پاکستانی ڈرامہ انڈسٹری کی اداکارہ سحر خان نے سوشل میڈیا پر 10 لاکھ فالوورز ہونے مداحوں کے لیے پیغام شیئر کردیا۔
فوٹو اور ویڈیو شیئرنگ ایپ انسٹاگرام پر اداکارہ سحر خان نے پوسٹ کے ساتھ تصاویر شیئر کیں جس میں انہوں نے شادی کی تقریب میں گولڈن کلر کی خوبصورت ساڑھی زیب تن کی ہے اور اسی کی مناسبت سے جیولری کا انتخاب کیا۔
اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں انسٹا صارفین دیکھ چکے ہیں اور انہیں مبارک باد بھی دے رہے ہیں۔
سحر خان نے دس لاکھ فالوورز مکمل ہونے پر مداحوں کے نام پیغام میں لکھا کہ ’اتنے کم وقت میں آپ لوگوں نے محبت احترام اور مہربانی کی میں اس کے لیے آپ کی شکر گزار ہوں۔
انہوں نے لکھا کہ ’انشا اللہ، میری کوشش ہوگی کے آئندہ سالوں میں اپنے مختلف کرداروں سے آپ لوگوں کو تفریح فراہم کرتی رہوں۔
واضح رہے کہ سحر خان سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں ۔
اس سے قبل انہوں نے چائے پیتے ہوئے اپنی ایک تصویر شیئر کی تھی اور بتایا تھا کہ ’انہیں چائے بہت پسند ہے۔‘
سحر نے ایک پوسٹ میں معنی خیز پیغام لکھا تھا کہ ’مثبت رہیں، مہربان رہیں، اچھائی کریں تو بدلے میں آپ کے ساتھ بھی سب کچھ اچھا ہی ہوگا۔‘
